La plattafurma da communicaziun uffiziala per la festa naziunala svizra!

En il decurs dal 19. tschientaner è il jass daventà il gieu da chartas il pli popular en Svizra. Anc oz pratitgeschan bleras famiglias quest hobi tradiziunal.

DIY

Activitads

Il «jass da satg», ina varianta dal jass

Las finezzas dal jass emprendan ins il meglier cun dar regularmain. Per novizas e novizs da jass proponin nus ina varianta cun 2 giugadras u giugaders: Il «jass da satg» (numnà en tudestg Sackjass, Handjass, Schläger, Butzer u Härdöpfeler) è in gieu da jass nuncumplitgà e divertent!

Cundivider

Share on facebook
Share on twitter
Share on linkedin
Share on whatsapp
Il «jass da satg», ina varianta dal jass
Il «jass da satg», ina varianta dal jass

Material

1 set chartas da jass

opziunal: tavla da crap e crida per nudar ils puncts

Finamira dal «jass da satg»
Mintga giugadra e mintga giugader sto cuntanscher en mintga runda almain 21 puncts. Tgi che fa damain che 21 puncts, cassescha ina nulla.
1.
Ina persuna (tschernida en moda casuala) maschaida las chartas e reparta a mintga giugadra ed a mintga giugader 3x3 chartas da jass e 3 chartas supplementaras per «meglierar». Las 3 chartas supplementaras na dastgan per il mument betg vegnir vulvidas.
2.
Las chartas da jass restantas furman il mantun. La charta sisum il mantun vegn vulvida. Ella mussa il trumf. En quest cas èn cruschs trumf.
La colur dal trumf è la colur la pli auta en il gieu. Ina charta da trumf po batter mintga autra colur che n'è betg quella dal trumf.
3.
Las giugadras resp. ils giugaders guardan lur 9 chartas.
4.
Suenter avair examinà las chartas pon els decider, sch'els vulan metter giu 3 da las 9 chartas ch'els han gia survegnì e prender si las 3 chartas supplementaras (meglierar). Tgi che prenda si las chartas, sto salvar tut las 3 novas chartas u las chartas oriundas.

Las 6 chartas che las 2 giugadras u giugaders na dovran betg vegnan messas sut il mantun.

Qua decida la persuna da metter giu 3 chartas ch'èn inutilas per questa runda e da las remplazzar cun las 3 chartas vulvidas.
5.
La charta da trumf sisum il mantun po vegnir engulada cun il da sis da trumf.
En quest cas èn cruschs trumf. La persuna baratta ses da sis da cruschs cun il pur da cruschs.
6.
Il gieu cumenza, cur ch'ina adversaria da la persuna che ha repartì las chartas dat l'emprima charta. Ella po dar ina charta tenor plaschair. Ses adversari dat er ina charta. Durant il gieu ston ins «dar la colur», q.v.d. ins sto dar la medema colur sco la colur dada (6a) (tant enavant ch'ina tala è avant maun), u dar ina charta da trumf (6c). La charta da trumf fa il pitg. Tgi che n'ha nagina charta da la colur dada (6b), dastga dar ina charta tenor plaschair.

Sche nagin trumf n'è en il gieu, fa la persuna che ha dà la charta la pli auta (da la colur dada) il pitg e dat il proxim pitg.
Sch'in trumf è en il gieu, fa la persuna cun la charta da trumf la pli ferma il pitg e dat il proxim pitg. Guardai las valurs da las chartas survart.

En noss exempels èn cruschs trumf. Jau sun vidlonder sco segund giugader.
6a.
Tgi che ha ina charta da la medema colur sco la charta dada, sto «dar la colur».

Qua ha il giugader 1 dà il pur da palas. La giugadra 2 dat la colur cun il da set da palas.
Damai ch'il pur è pli ferm, fa il giugader 1 il pitg.
6b.
Tgi che n'ha nagina charta da la medema colur, po dar ina charta tenor plaschair.

Qua ha il giugader 1 dà ina dama da pizs. La giugadra 2 n'ha nagins pizs en sias chartas e dat perquai in'autra colur (palas). Il giugader 1 fa il pitg.

Infurmaziun: Sche la giugadra 2 avess dà ina charta pli ferma ch'il giugader 1, però betg ina charta da pizs (p.ex. assa da palas), avess il giugader 1 tuttina fatg il pitg, perquai che la giugadra 2 n'ha betg dà la colur.
6c.
Tgi che ha il trumf, po dar quel da tut temp, er sch'i fiss pussaivel da dar la colur dada. Questa acziun vegn numnada «mazzar». Tgi che mazza, fa il pitg e dat il proxim.

Sin l'emprim maletg ha il giugader 1 dà l'assa da cors. La giugadra 2 «mazza» cun in trumf e fa il pitg.
Sin il segund maletg fa il da nov da cruschs (trumf nell) il pitg.
7.
I valan las valurs da las chartas usitadas en il jass:
Assa: 11 puncts
Retg: 4 puncts
Dama: 3 puncts
Pur: 2 puncts
Il da diesch: 10 puncts
Las ulteriuras chartas (6, 7, 8 e 9) n'han nagina valur.

Mo il pur da trumf ed il da nov da trumf (trumf nell) han valurs differentas (en noss exempel èn cruschs trumf): il pur da trumf: 21 puncts ed il trumf-nell: 14 puncts.
Suenter che tut las chartas èn vegnidas dadas, adescha mintga giugadra e mintga giugader ils puncts rimnads tenor la scala numnada sura. L'ultim pitg dat 5 ulteriurs puncts.

Tgi che ha ils pli blers puncts, survegn 1 stritg. Tgi che cuntanscha damain che 21 puncts, cassescha ina nulla. Quai correspunda a «minus 1 stritg».

Uschespert ch'ina persuna ha 7 stritgs, ha ella gudagnà la partida.

Alternativamain pon ins sa cunvegnir che l'emprima persuna che cassescha 3 nullas, perda la partida!
Cundivider

Parter la 'Missiun 1. d'avust'

Share on facebook
Share on twitter
Share on linkedin
Share on whatsapp