La plattafurma da communicaziun uffiziala per la festa naziunala svizra!
Müesli
Recepts
Buglia da Bircher
Per tractar problems dal magun ha il medi svizzer Maximilian Oskar Bircher-Benner sviluppà avant var 100 onns la buglia da cerealias ch’è oz enconuschenta sin tut il mund. El è vegnì inspirà en quest connex dal past rinforzant dals pasters d’alp svizzers. Qua chattais Vus il recept original per cumenzar plain energia il 1. d’avust.
1 tschadun grond flocs d'avaina
3 tschaduns gronds aua
1 tschadun grond latg condensà zutgerà
suc d’ina mesa citrona
1 grond mail
1 tschadun grond nuschs grattadas
1. pass
Prendai in tschadun grond flocs d'avaina e lomiai quels durant 12 uras en trais tschaduns gronds aua.
2. pass
Maschadai il proxim di ils flocs d'avaina cun in tschadun grond latg condensà zutgerà sco er cun il suc d'ina mesa citrona.
3. pass
Grattai in grond mail – cun paletscha e minz – d'ina spezia uschè aschina sco pussaivel gist avant il servir e maschadai quel cun la buglia.
4. pass
Sternai l'ultim 1 tschadun grond nuschs grattadas sur tut en – e gia è la fatga, la buglia tenor docter Maximilian Oskar Bircher-Benner.
Cundivider
